Lalramdinsangi

✦

A chanchin tlangpui

Lalramdinsangi hi Pu Liankima leh Pi Zopari te inkarah July Ni 5 1996 khan Synod Hospital, Durtlang ah a lo piang a, unau pangnga (5) niin an unau indawt dan chu hetiang hi an ni:-

1. Henry Lalhmangaihzuala
2. Jenet Lalthlamuanpuii w/o Paul Zodinsanga
3. Lalramdinsangi w/o Laldingliana
4. Lalrammuana
5. Lalchhanhima h/o Lalfakkimi

Lalramdinsangi hi Laldingliana, Durtlang Mel-5 nen Ni 20.09.2023 ah inneiin nupa hlim tak an ni a, Ni 24.06.2024 khan fapa duhawm tak Lalhriatzuala an nei a ni.

✦

A mizia

Naupan tet atanga nu leh pa thuawih leh mi hlim thei tak a ni a, mi tlawmngai thei leh thiante huikhawm kawngah pawh a thianten an ngaihchan leh rin ber a ni thin a, mi harhvang leh thothang tha tak a ni a, a tih tur a kova tla chu hlen chhuah ngei tuma theihtawp chhuah thin mi a ni. A naupan lai atanga Infiamna lam tui mi niin lawmman pakhatna te leh Tournament Best Girl ah te a thlan a ni tawh thin a ni. A thianten harsatna an tawh pawha an pan leh rawn ber niin tawngtai hi a ngai pawimawh em em thin a, Pathian thu te lo hrilh thintu a ni. Zing tawngtai inkhawm leh Pathian biak inkhawm zawh a fianrial tawngtaina neih te hi a nuam tih thin tak a ni.

Pathian thu te lo hrilh thintu a ni.

A tleirawl chhuah hlim atanga chhungkaw tana theihtawpa thawk thin a ni a, a remchan ang anga mi huanah te inhlawha mahni intodelh tum tlat thin mi a ni. A pasal neih hma pawhin Anganwadi lam te pawh theih ang angin a pui thin a, Sihphir Primary School ah te eitur siamin a thawk thin bawk. P.W.D Central Circle ah a pa hrisel lohna avanga a ai kalin a pa pension thleng a thawk a ni. Heng a hna thawhna hrang hrangah te hian a thawhpuiten an ngainain an kawmngeih em em vek zel thin a ni.

✦

Kohhran leh khawtlanga a inhman dan

Kohhran leh khawtlanga theihtawp chhuaha inhmang thin mi a ni a, Naupang Sande Sikul zirtirtu ah te leh zaipawl hrang hrang heng Sihphir Kohhran Zaipawl, Sihphir Pastor Bial Mashihi Sangati Zaipawl, BSI Sihphir Area Zaipawl, YMA Branch Zaipawl ah te phak ang tawka inhmangin, pasal a neih hnuah pawh Durtlang Venglai Kohhran Primary Dept. ah Sande Sikul Zirtirtu a ni bawk. Heng bakah hian Committee member heng Mashihi Sangati Committee, YMA Sihphir Branch Khuangchera Section Committee ah te a lo tel tawh thin a, YMA chhang kilkawitu leh zai leh lam-a zirpuitu, naupang chawk hlimtu leh ti phur thiamtu ber niin ngainat pawh a hlawh thin hle a ni.

• Sihphir Kohhran Zaipawl
• Sihphir Pastor Bial Mashihi Sangati Zaipawl
• BSI Sihphir Area Zaipawl
• YMA Branch Zaipawl
• Durtlang Venglai Kohhran Primary Dept.
• Mashihi Sangati Committee
• YMA Sihphir Branch Khuangchera Section Committee